Kreu i Partisë Demokratike, Lulzim Basha, shprehet i bindur se kryeministri Edi Rama ishte tërësisht në dijeni të dënimit në Itali të kryebashkiakut të zgjedhur të Shkodrës, Valdrin Pjetri.
Sipas Bashës, pavarësisht të kaluarës kriminale, Rama sërish e dërgoi në Shkodër sepse “Pjetrin e donte atje për të garantuar rrugët ndërkombëtare të trafikut të drogës dhe qenieve njerëzore”.
Lideri i opozitës shtoi se modeli i Pjetrit është ai që ka kultivuar kreu i qeverisë në Partinë Socialiste, “njësoj si në rastin e Vangjush Dakos, Pjerin Ndreut apo Tom Doshit”.
“Sot befas kanë zbuluar se Valdrini nuk qenka më i denje per Shkodren. Propaganda e Ramës po përpiqet ta trajtojë si problem individual. I padenjë për Shkodrën e Shqipërinë eshtë Rama. Ai që po përpiqet tja hedhë Shkodrës e gjithë Shqirërisë është Rama.
Valdrinin e coi në Shkodër Rama, duke e ditur mirë se kush ishte ai dhe vëllai i tij me të cilët bashkarisht inaguruan hotelin e drogës në Tiranë, me qëllim të garantonte grafikun e drogës dhe qënieve njerëzore në rrugët që kalon përmes Shkodrës mbështetur përmes klaneve mafioze.
Për Valdrinin Rama ishte i gatshëm ta conte Shkodren në përplasje civile, Rama e provokoi Shkodrën me një 2 prill të dytë.
E dinte mirë kush ishte Vladrini por i duhej në Shkodër sic jua tha mer zë e figurë pak javë më parë si kryetar bashkie e si kryetari politik. Kjo i dështoi dhe e tani po përpiqet me shpejtësi të lajë duart.”- tha Basha.
