Pesë automjete të tonazhit të rëndë janë përfshirë nga flakët në orët e fundit në fshatin Shpërdhet, në Kurbin, në një ngjarje që paraprakisht dyshohet të ketë qenë e qëllimshme.
Sipas informacioneve paraprake, automjetet ndodheshin në guroren që administrohet dhe përdoret nga shtetasi me inicialet B. A. Nga zjarri, mjetet janë shkrumbuar pothuajse plotësisht.
Autoritetet dyshojnë se flakët mund të jenë vendosur nga persona ende të paidentifikuar. Policia ka nisur hetimet për zbardhjen e plotë të rrethanave të ngjarjes, identifikimin e autorëve dhe dokumentimin ligjor të rastit.
