Në progres të vazhdueshëm që nga mbërritja te Napoli, Kalidou Koulibaly është imponuar si një nga mbrojtësit më të mirë qendrorë në botë, i cili fal edhe fizikut që ka nuk ndalet duke i impresionuar të gjithë, si në Serie A ashtu edhe në Ligën e Kampionëve. Në Itali, lojtari ka përshkuar një pjesë të rrugëtimit profesional me Maurizio Sarri, ish trajneri i tij te Napoli, me të cilin marrëdhëniet dukeshin të mira pavarësisht ndonje episodi...
"Është një histori e çmendur që përmbledh gjithçka për Napoli: gruaja ime shkoi në klinikë në mëngjes ndërsa ne do të luanim me Sassuolo në shtëpi atë mbrëmje. Ishim në një seancë video dhe telefoni im nuk pushonte së rëni. Unë zakonisht e fik atë, por isha i shqetësuar për gruan time. Ajo më telefonoi 5 ose 6 herë. Trajneri ynë ishte Maurizio Sarri, një njeri shumë strikt, ndaj dhe nuk po e hapja telefonin. Më në fund u grita dhe dola jashtë, ndërsa bashkëshortja më tha: "Duhet të vish, djali ynë po lind"", rrëfeu mbrojtësi në një intervistë me "The Players stands".
"Takoj Sarri-n dhe i them: "Zotëri, më vjen keq, por duhet të largohem tani, sepse djali im po lind." Ai më pa dhe më tha: "Jo, jo, jo. Kam nevojë për ty këtë mbrëmje Kouli, nuk mund të ikësh". Ngula këmbë: "Djali im po vjen në jetë. Mund të bësh ç'të duash me mua, mund të më pezullosh, nuk dua t'ia di. Do të iki". Sarri, që u stresua dhe pinte cigare pa pushim, u mendua dhe më tha: "Ok, ok, mund të shkosh në klinikë, por duhet të jesh në mbrëmje për ndeshje, kam nevojë për ty Kouli", shtoi më tej Koulibaly.
Pas lindjes së djalit tim, arrita në kohë për ndeshjen. Vazhdimi i përket historisë... "Po përgatitesha për të luajtur dhe Sarri hyn në dhomat e zhveshjes dhe nxjerr letrën e ndeshjes. Kërkova numrin tim, por nuk ishte. I them: "Zotëri, lashë gruan dhe djalin e porsa lindur, sepse më thatë që kishit nevojë për mua". Dhe ai ma kthen: "Po, kam nevojë për ty... në stolin e rezervave". Kur e kujtoj tani dhe më vjen shumë për të qeshur. Por në atë moment, doja të qaja", tregoi Koulibaly. Një histori që përmbledh profilin e trajnerit të ri të Juventus, i përshkruar nga shumë si një i dashururuar atipik me futbollin
