Një miliard euro më shumë. Dhe shumë probleme më pak. PSG zyrtarisht njoftoi marrëveshjen e re me sponsorin Nike këtë mëngjes. Një partneritet tridhjetë vjeçar që do të zgjasë deri në vitin 2032 dhe që lejon klubin e Emirit të Katarit të sigurojë 80 milionë euro çdo vit. Kështu zgjidh disa komplikime të buxhetit, me FFP. Për drejtorin e ri sportiv Leonardo, lajme të mira në tregun e lojtarëve.
Deri më sot, marka amerikane derdhte 25 milionë dollarë për sezon. Ndërkohë ardhjet e Neymar dhe Mbappé e kanë transformuar ekipin parizien në një produkt komercial me ndikim global. Presidenti Nasser Al Khelaifi ka ditur të fitojë para jo vetëm duke regjistruar, në sezonin e kaluar, më shumë se një milion bluza të shitura, por gjithashtu më shumë se trefishimin e marrëveshjes me Nike. Kështu, gjiganti amerikan do të paguajë rreth nëntëdhjetë milionë në vit, duke e bërë PSG një nga katër klubet më të paguar nga sponsori teknik. Një partneritet i konsoliduar vitin e kaluar edhe me bashkëpunimin me markën e Jordan, që lejoi të vendoste atë të PSG në vendin e parë në renditjen e bluzave sportive më të shitura në Shtetet e Bashkuara.
PSG, kohët e fundit, gjithashtu ka mbyllur një marrëveshje prej më shumë se 60 milionë me Accor Group, sponsor i ri i fanellës, dhe vazhdon të zgjerohet në Kinë, ku do të përballet edhe me Interin në fund të korrikut. Përpapra është sfida me Rennes për Superkupën, trofeu i parë sezonal, për të kuptuar nëse Neymar do të jetë në fushë. Sidoqoftë, drejtori sportiv Leonardo tani ka më shumë hapësirë për manovrim për të përforcuar skuadrën, duke filluar me negociatat për portierin, Donnarumma, gjithmonë në progres. Dhe pa shkaktuar alarmin e FFP të UEFA-s.
