Verë martesash, ashtu si në fakt ndosh shpesh, por futbollistët e Napolit sic duket e kanë marrë me nxitim në 2019. Pas Elseid Hysaj, që vuri kurorë në Kalanë e Rozafës, napoletanët mund ti gëzohen një tjetër dasme, sepse edhe Arkadiusz Milik, sulmuesi i Napolit po mendon për të vënë kurorë, ose më saktë ka hedhur hapin e parë të rëndësishëm.
Në Instagram, në faqen e tij zyrtare, polaku ka shpërndarë një nga ato momente që është e pamundur ta harrosh. Qendërsulmuesi i Napoli i ka bërë propozimin për martesë shoqes së tij, Jessica Ziolek. E në rrjetet sociale ka postuar imazhin e tij në gjunjë para saj, ndërsa i vendos në gisht unazën, me një koment elegant: "She said: yes".
