Presidenti i Republikës Ilir Meta do të dalë sërish sot para mediave në një konferencë në orën 16:00.
Kështu bën të ditur Presidenca në një njoftim zyrtar.
Nuk dihet se cili do të jetë hapi i radhës i Kreut të Shtetit pasi maxhoranca ka nisur hapat për shkarkimin e tij.
“Të nderuar kolegë!
Presidenti i Republikës Sh.T.Z Ilir Meta do të zhvillojë sot një konferencë për shtyp në ora 16:00, në ambientet e Institucionit të Kreut të Shtetit. Ftohet media të jetë e pranishme, edhe me transmetim LIVE! Ju falëminderit për bashkëpunimin!”, njofton Presidenca.
Presidenti i Republikës anuloi të shtunën në mbrëmje zgjedhjet vendore të 30 qershorit, ndërsa mëngjesin e djeshëm doli para mediave duke dhënë argumentet që çuan në këtë vendim.
Lexo më tej nga Lapsi.al:
Analiza/ Pse Meta firmosi live në TV anullimin e zgjedhjeve. 5 argumentat kryesorë
Sipas Kreut të Shtetit, zgjedhjet pa opozitën mund të çojnë vendin drejt një konflikti social dhe rrezikohet siguria kombëtare. Por maxhoranca nga ana tjetër tha se kanë nisur procedurat për shkarkimin e Presidentit.
