Serie A është rreshtuar me katër ligat e mëdha europiane (Premier League, La Liga, Bundesliga dhe Ligue 1) duke u shprehur kundër reformës së kompeticioneve europiane post 2024 për të formuar një Superligë mes top klubeve. Qëndrimi, që shpreh pozicionin e Serie A, është votuar në mënyrë unanime nga klubet italiane (Inter, Roma, Milan dhe Fiorentina), përveç Juventus që është kundër.
Urbano Kairo është bërë një zëdhënës i mendimit të shoqërive italiane. "Eca dhe Uefa duhet të meditojnë se si të gjitha ligat janë duke u bashkuar kundër një projekti që askush nuk e pëlqen. Çfarë dua të them? Ky propozim duhet të tërhiqet dhe unë do të ndalem këtu, por të tjerët kanë shkuar më tej", tha presidenti i Torinos.
Dhe për shumë nga "kolegët" e tij, dorëheqja e Aleksander Ceferin, numri një i UEFA-s dhe zv.president i FIFA-s, në këtë pikë do të ishte me vend. Megjithëse në këtë aspekt, presidenti i Serie A, Gaetano Micciché, ndali: "Nuk kërkova dorëheqjen e Ceferin, vetëm një shaka në asamble. Komunikatat e ligave kryesore europiane janë të gjitha shumë të ashpra kundër veprimit të Uefa që duhet të merret parasysh: nëse ekziston një konsideratë, krejtësisht në kundërshtim, duhet gjetur një arsye dhe duhet të ketë një rishqyrtim të sjelljes".
