GP i Kanadasë nuk ka përfunduar ende. Penaliteti prej pesë sekondash i vendosur për Sebastian Vettel, që i dhuroi fitoren Leëis Hamilton, ka lënë një vazhdë polemikash të rëndësishme e Ferrari ka vendosur të mos dorëzohet. "Për sa i përket Seb, mendoj se nuk mund të bënte asgjë ndryshe nga sa bëri, motiv për të cilin vendosëm të apelojmë vendimin e steward", ka bërë të ditur team principal i kokëkuqes Matteo Binotto.
Ferrari i Sebastian Vettel arriti i pari finishin në GP të Canada, por u desh ti dorëzonte fitoren Mercedes të Leëis Hamilton, që e mbylli garën pas tij, për një penalitet prej pesë sekondash. Sanksion që gjermani e mori për pengimin që i bëri anglezit në xhiron e 48, pasi doli keq nga një kthesë.
Situatë e vështirë sepse arritja e fitores nga gjermani duket një mision i komlpikuar. Artikulli 17 paragrafi 1 i rregulores sportive, specifikon që nuk mund të apelosh kundër penalitetve në termat e kohës stabilizuar nga kolegji i komisarëve. Apeli mund të jetë një sinjal i fortë nga Ferrari, që duket sikur e ka humbur peshën politike. Vettel, për më tepër, dëshiron të ketë mundësinë të shpjegojë komisarëve se nuk shkaktoi qëllimisht situata të rrezikshme.
