34 vjeçari Dëfrim Tara, me probleme mendore, është larguar nga shtëpia që në datën 31 maj të këtij viti, rreth orës 15:15 dhe nuk dihet më asgjë për fatin e tij.
I alarmuar, xhaxhai i të riut, me iniciale A.T ka njoftuar policinë.
Dëfrimi është i gjatë rreth 170 cm, me flokë të shkurtra ngjyrë gështenjë, ka të veshur një xhup ngjyrë të errët dhe xhinse.
Njoftimi i Policisë
"Më datë 07.06.2019, në Komisariatin e Policisë Krujë ka bërë kallëzim shtetasi A.T., pasi i është larguar nga banesa (rreth orës 15:15 ,të datës 31.05.2019) djali i vëllait, shtetasi Defrim Tara, 34 vjeç, i sëmurë me probleme mendore.
Sipas deklarimeve të familjarëve shtetasi i humbur është rreth 170 cm i gjatë, me flokë të shkurtëra ngjyrë gështenjë, ka të veshur një xhup ngjyrë të errët dhe xhinse.
Shërbimet e Policisë janë angazhuar maksimalisht dhe po vijojnë kërkimet për gjetjen e tij.
Drejtoria Vendore e Policisë Durrës kërkon bashkëpunimin e qytetarëve që për çdo informacion që mund të disponojnë të telefonojë në numrin pa pagesë 112 ose 129."
