Nisen sot drejt Holandës luanët, fotot e të cilëve u publikuan në mediat botërore disa javë më parë. Ata u transferuan në kopshtin zoologjik të kryeqytetit, pasi u morën nga një kopsht zoologjik privat në Fier. Ditën e sotme, ata janë transferuar sërish, këtë herë jashtë vendit, në Holandë.
Ishin mediat e huaja ato që ngritën zërin për kushtet mizore në të cilat jetonin luanët në një kopsht privat zoologjik në qytetin e Fierit.
Pas bërjes publike të lajmit, luanët u zhvendosën drejt kopshtit zoologjik të Tiranës, derisa të përfundonin proceduarat për largimin e tyre nga vendi.
Zhaku (12 vjeç) dhe djemtë e tij Boby dhe Lenci (8 vjeç) sot janë nisur drejt Holandes.
Luanët do të dërgohen në qendrën e “Four Paws”, në Holandë dhe sapo të rimarrin veten mjaftueshëm, ata do të shkojnë në bazën në Lionsrock në Afrikën e Jugut, ku do të kenë me shumë hapësirë.
