Ndryshe nga çfarë ka ndodhur gjatë javëve të fundit, burime nga Partia Demokratike bëjnë me dije se nuk do të ketë protestë jashtë Kuvendit gjatë seancës plenare të ditës së sotme.
Pavarësisht kësaj, Policia e Shtetit ka marrë masat në mënyrë që të shmangë çdo të papritur.
Në rendin e ditës sot në Kuvend është parashikuar që të mbahet një interpelancë me ministrin e Brendshëm Sandër Lleshaj, i cili do të flasë në lidhje me vjedhjen në Rinas.
Kjo interpelancë është bërë me kërkesë të deputetëve të opozitës së re, kryesuar nga Ralf Gjoni.
