Gjyqtari në Gjykatën e Rrethit Gjyqësor të Durrësit, Rexhep Bekteshi, i cili ka shpallur ndërkohë edhe kandidaturën për Gjykatën Kushtetuese, do t’i nënshtrohet procesit të Vetting-ut.
Komisioni i Pavarur i Kualifikimit ka njoftuar se mesditën e 19 prillit do të zhvillohet seanca dëgjimore me gjyqtarin Bekteshi. Në të njëjtën kohë, KPK-ja ka bërë të ditur edhe përbërjen e trupës së gjykimit nga Brunilda Bekteshi, Roland Ilia dhe Firdes Shuli.
Gjyqtari Bekteshi do të kalojë në “sitën” e vetting-ut për t’u vlerësuar nga pikëpamja etike dhe profesionale, si edhe lidhur me ligjshmërinë dhe justifikimin e pasurisë.
