Pas takimeve me drejtuesit e opozitës, zyrtari i lartë amerikane, Matthew Palmer u takua me kreun e shtetit, Ilir Meta. Ky i fundit bëri një njoftim të shkurtër në rrjetet sociale, ku thuhet se është biseduar për situatën e vështirë politike në vend.
“Takim i hapur dhe miqësor me Zëvendës Ndihmës Sekretarin e Shtetit për Europën, Matthew Palmer mbi situatën e vështirë politike në vend dhe rrugëdaljet për të ecur përpara. Interes i ndërsjelltë për forcimin e demokracisë dhe shtetit të së drejtës, që qëndrojnë në themel të partneritetit strategjik mes dy vendeve,” shkruan Meta.
Më herët gjatë ditës, Palmer takoi Bashën dhe Kryemadhin, si dhe zhvilloi një bashkëbisedim me gazetarë.
