Zv.ndihmës sekretari amerikan Methju Palmer do të vijë në Tiranë javën e ardhshme më 8 prill.
Vizita e Palmer në Tiranë është pjesë e një vizite rutinë në Ballkan.
Vizita e zv.ndihmës sekretarit amerikan në Shqipëri vjen në një kohë kur situata politike në vend vijon të jetë mjaft e tensionuar. Opozita ka djegur mandatet ndërsa ka paralajmëruar edhe protesta të vazhdueshme në vend, ku e 8-ta po mbahet ditën e sotme.
Protestat e vazhdueshme paralel me seancat plenare shpesh herë janë shoqëruar me përplasje të dhunshme mes protestuesve dhe forcave të policisë të pranishme në terren. Fotot nga protestat kanë bërë xhiron e botës.
