Kryeministri Edi Rama është shprehur i sinqertë me studentët gjatë bashkëbisedimit mbi ecurinë e Paktit për Universitetin. Ai nuk ka mbajtur një fjalim, por ka preferuar të bashkëbisedojë. Madje ai këtë e përforcoi duke thënë se është i vetëdijshëm që askënd nuk e merr malli që ta dëgjojë atë me fjalim, pasi në çdo moment del në ekran.
"Protesta na dha mundësinë që të kemi celsa që hapin dyert e njëri-tjetrit. Unë nuk po zgjatem për të mos marrë kohën e të tjerëve. Besoj që nuk është se ka njeri këtu në këtë sallë me ndonjë mall për të më parë mua duke mbajtur ndonjë fjalim. Nëse nuk më keni parë në drekë, me siguri me keni parë në mëngjes ose gjatë natës në fjalim. Dhe nëse nuk më keni parë as gjatë natës, dje me siguri më keni parë, kështu që e kam vetëdijen që s'ju ka marrë malli për një fjalim", tha Rama.
