Pas prezantimit të prefektit të ri të Shkodrës, Valdrin Pjetri, nga ministri i Brendshëm Sandër Lleshaj dhe drejtori i Përgjitshëm i Policisë, Ardi Veliu, kryebashkiakja e Shkodrës Voltana Ademi u ankua për situatën problematike me krimin në Shkodër.
Pas takimit ku edhe ajo qe e pranishme, Ademi kërkoi që shteti të marrë përgjegjësi për trajtimin e kësaj situate ku është futur sipas saj, Shkodra, por edhe qytete të tjera.
Siç mund ta shihni në videon më poshtë, ajo thotë se detyra e pushtetit është që të mos t'i lënë bandat të hanë kokat e tyre, duke përdorur një shprehje të kryeministrit Edi Rama, përkundrazi sipas saj, duhet që ato të parandalohen me të gjitha mundësitë.
Nuk u desh shumë dhe ministri Sandër Lleshaj u largua nga takimi. Ndryshe nga Lleshaj, Ardi Veliu e dëgjoi për pak Ademin të shtronte kritika dhe pasi përsëriti disa herë se nuk vinte si përfaqësues politik por si drejtor i Policisë së Shtetit, u largua edhe ai.
Kryetarja e Bashkisë së Shkodrës theksoi se rikthimi i sigurisë në Shkodër, nuk është çështja e vullnetit të një personi dhe se do duhet të ketë forca të specializuara. Në këto histori, deklaroi ajo ka pasur edhe njerëz të pafajshëm që janë vrarë.
©LAPSI.AL
[video width="608" height="340" mp4="https://cdnimpuls.com/lapsi.al/wp-content/uploads/2019/04/voltana-1-1.mp4"][/video]
