Në ambasadën amerikane, gotën e shohin gjysëm plot, njësoj si qeveria. Ky këndvështrim pozitiv për vendimin e një dite më parë të ministrave të jashtëm të BE-së, bie në sy në përshëndetjen që amerikanët publikuan sot. Ambasada flet për "hapje negociatash për anëtarim në BE" dhe bën thirrje për rritje të ritmeve në reformën në drejtësi, luftën kundër korrupsionit dhe krimit të organizuar.
"Përgëzojmë Shqipërinë për vendimin pozitiv në lidhje me hapjen e bisedimeve për anëtarësim në BE. Shqipëria ka bërë përparim domethënës dhe tani nevojitet të rrisë përpjekjet për të përfunduar reformat kyçe. Ne e nxisim Shqipërinë që të rrisë ritmin në reformën në drejtësi, luftën kundër korrupsionit dhe kundër krimit të organizuar" shkruhet në përshëndetjen e ambasadës amerikane.
Të njëjtin tekst, ambasada mund ta përdorë edhe në fund të vitit 2019, kur BE të marrë vendimin për hapjen e negociatave.
