Në një aktivitet për problematikat e Maturës Shtetërore, kryetarja e LSI-së Monika Kryemadhi tha se kryeministri Rama synon shkatërrimin e të ardhmes së rinisë shqiptare.
“Dëgjoja paradën e Ramës që çdo ditë e më shumë ka frikë nga plakja e tij.
Frika e tij po shkon dretj shkatërrimit të së ardhmes së rinisë shqiptare dhe plakja e një rinie vjen duke shkatërruar arsimin, një brez që gjen zgjidhjen për tu larguar sa më shpejt nga vendi.
Këta dinosaurët e sotshëm që janë përsëri të së shkuarës nuk mund ta ndalojnë rininë shqitpare të përmbysë këtë regjim diktatorial, që po uzurpon çdo ditë e më shumë çdo institucion mësimdhënie”,- tha Kryemadhi.
Ajo shtoi se Rama e pranoi vetë se njerëzit nuk ushqehen me suksese, që sipas saj, janë thjesht në “imagjinatën e kryeministrit”.
