Mospërputhje në deklarim për burimin e parave, mungesë të ardhurash për blerjen e një apartamenti në vitin 2005, 109 metra katrorë me vlerë 60 mijë euro dhe probleme edhe me një truall që ka në Gjirin e Lalzit. Këto janë vetëm disa nga konstatimet e KPK për pasurinë e Altina Xhoxhajt, seanca për të cilën ka nisur e pritet verdikti pas ‘vetingut’.
Sipas hetimit administrativ te KPK, gjyqtarja e Kushtetueses ka një apartament të blerë në vitin 2005, për 60 mije euro 109 metra katrore. Ka një truall në Gjirin e Lalzit që e ka blerë 400 mijë leke dhe mbi të një shtëpi që e ka blerë 5 mln leke. Ndërkohë që kursimet e bashkejetuesit rezultojnë 61 mije dollare dhe 15 mije euro.
Sipas KPJ, apartamenti 101 m katrore ne Tirane ka mospërputhje per burimin e parave, ka mungese te ardhurash sipas analizes per blerjen e apartament. Sa i perket apartamentit te Gjiri i Lalzit 2+1 plus verandë, ka gjithashtu probleme. Sa i përket truallit te Gjiri i Lalzit rezulton se ka marre 100 metra katrorë më shumë se nga i takon. edhe sa u perket kursimeve te bashkëjetuesit, nuk justifikohen.
Nderkohe që avokatja e Xhoxhajt kërkon rikonfirmim në detyrë të klientes së saj. Ajo thekson se “lëvizjet jashtë të bashkëjetuesit dhe vetë Xhoxhajt kanë qenë në funksion të detyrës”. Sipas avokates, bashkëjetuesi i Xhoxhajt ka lëvizur për shkak të detyrës që bën në OSBE.
“Apartamentin në Tiranë e ka blerë bashkëjetuesi me paratë e tij, por te regjistrimi është bërë në emër të të dyve, meqë bashkë kanë dy fëmijë”- tha avokatja në pergjigje të konstatimeve të KPK.
Po sipas saj, apartamenti te Gjiri i Lalzit është regjistruar në bashkëpronësi, pasi është blerë me kontribut të përbashkët. “Eshte blerë pas 16 vjetësh punë të subjektit. Xhoxhaj ka qenë anëtare e KLD, pedagoge dhe gjyqtare. Dhe këto justifikojnë kontributin për apartamentin”- tha avokatja.
Për truallin 221 metra katrorë, sipas avokates, subjekti ka bërë procedurat ligjore sipas asaj që i ka kërkuar ALUIZNI. “Eshtë trualli nën apartament që përfshin hyrje dhe oborr”-tha ajo.
Altina Xhoxhaj është anëtarja e katërt e Gjykatës Kushtetuese që përballet me procesin e vetingut pas Besnik Imerajt, Fatos Lulos dhe Vitore Tushës. Imeraj dha dorëheqjen nga sistemi gjyqësor, por u referua nga Komisioni i Pavaruar i Kualifikimit në Prokurori; Fatos Lulo u shkarkua nga detyra, ndërsa Vitore Tusha është e vetmja e rikonfirmuar deri më tani në detyrë.
