Në konferencën e përbashkët me homologun belg Charles Michel, kryeministri Edi Rama u pyet nëse është i gatshëm që bashkë me kreun e opozitës, Lulzim Basha të ndërmerrte një tur në kancelaritë evropiane lidhur me hapjen e negociatave.
“Pyetja s’ka nevojë për përgjigje, do të ishte shumë e vlefshme po të ndodhte. Ju e dini që unë nuk flas në gjuhën e huaj për opozitën”, tha Rama.
Gadishmëria e Ramës për të udhëtuar me Bashën në takime me krerët e shteteve të BE-së, vjen pas akuzave të forta kundër opozitës, sipas të cilave ajo është e financuar nga Rusia dhe se po tenton të bllokojë integrimin duke lobuar në kancelaritë e huaja.
