Në fillim e ka postuar këtë foto gjithë qejf, por më pas ka ndryshuar mendje. Prezantuesja Arbana Osmani e ka fshirë nga instagrami pozën e saj përkrah muzikantit Goran Bregovic që konsiderohet si simbol i inspirimit për çetnikët serbë për spastrim etnik në Kosovë, Kroaci e Bosnje e Hercegovinë.
Ajo e ka takuar Bregovicin në Slloveni dhe nuk e ka humbur rastin ta bëjë një fotografi, derisa postimit në Instagram e ka bërë me mbishkrimin: “Shikoni kë e takova. Vajzë me fat”.
Mirëpo, duket se pas reagimeve të shumta nga fansat, ajo ka vendosur që ta fshijë fotografinë.
