Kënga më e re e reperëve të “Babastars” me titull “Ajo”, u ironizua pak ditë më parë nga rivali i studios “Three Dots”, Kledi Bahiti. Ky i fundit i cili ka realizuar dhe bashkëpunimin mes Flori Mumajesit dhe Besa Kokëdhimës, postoi në facebook klipin e Getit, duke u tallur me tekstin e tij: “Hajde ke djali, me pamje nga mali… hahaha, super tekst me pikpamje të lartë shoqërore”, ishin fjalët e komopozitorit Bahiti.
Mirëpo sot, anëtari i studios “Three Dots” duket i penduar për humorin që bëri pak ditë më parë. Krahas ndjesës që i kërkon Getoarit, Kledi Bahiti akuzon dhe mediat të cilat sipas tij, e keqpërdorën ironinë me këngën e Majk dhe Getit.
