Stili i veçantë dhe hiti tashmë botëror “BonBon”, duket se po e afron çdo ditë e më shumë me publikun. 21 vjeçarja nga Prishtina, pas një serie shfaqjesh promovuese në emisione të rëndësishme europiane, rrëmbeu të premten gjithë vëmendjen e eventit “Top Awards”. U duk se i gjithë organizimi ishte në funksion të Erës. Madje, nga numri i madh i çmimeve që mori dhe rëndësia që iu rezervua këngëtares, Ermal Mamaqi ironizoi Top Channel: Pse nuk i kishit montuar një karrige në skenë, mos lodhej duke u ngritur për të marrë çmimet…
Por, përkundër pjesëmarrjes së reduktuar në skenën shqiptare, Era Istrefi po duket më tepër e interesuar për të kapur një treg më të madh botëror. Lëvizja e rradhës, shfaqja përkrah komunitetit LGBT në një nga paradat më të mëdha në botë, mendohet të jetë në vazhdën e terrenit që Era Istrefi po kërkon të fitojë që pas nënshkrimit të kontratës me “Sony Music”.
Si për t’u njësuar me ta, këngëtarja shqiptare ndryshoi totalisht look, vendosi ylberin identifikues në flokë dhe performoi mbi trailerin ku homoseksualët shfaqën krenarinë në rrugët e New York-ut. Një pamje më të qartë e merrni duke klikuar në videon më poshtë!
