Dashamirësit e verës me siguri do ta pëlqejnë këtë projekt fotografik, që tregon si alkoli e ndryshon fytyrën tonë pas konsumimit.
Fotografi brazilian, Marcos Alberti fotografoi miqtë e tij pasi kishin pirë një gotë, dy dhe pastaj tre gota verë dhe rezultatet janë me të vërtetë të këndshme.
Ai shpjegon se projekti "Tre Gotat: nisi si një shaka me miqtë, me imazhin e parë që synonte të nxirrte në pah stresin dhe lodhjen pas një dite të gjatë pune.
"Është një shprehje për verën që më pëlqen shumë, është pak a shumë kështu: “Gota e parë për ushqimin, gota e dytë për dashurinë, ndërsa e treta për çmendurinë“. Doja ta provoja dhe më doli që kjo ishte e vërtetë,- tregon ai.
“E nisa këtë projekt, sepse nëse kërkon për fjalën “alkool” në internet do të gjesh vetëm efektet negative. Doja të tregoja anën e bukur të tij – sigurisht mes miqsh që po pinë diçka në një ambjent të këndshëm".
Personazhet sa vijnë e duken më të relaksuar pas çdo foto. Sigurisht që disa prej tyre e kontrollojnë më mirë veten se të tjerët.
Në fund të çdo gote bëja një shkrepje, asgjë e tepruar, një fytyrë dhe një mur, 3 herë, tha Marcos Alberti.
