Gjykata i ka dhënë të drejtë. Ai është rrëzuar mbi të dhe “aksidentalisht ka penetruar te vajza”. Ky ka qenë fundi i një prej proceseve më të çuditshëm dhe më të diskutuar të këtyre ditëve i mbajtur në Britaninë e Madhe.
Ehsan Abdulaziz, pronar i pasurive të paluajtshme, 46 vjeç në gusht vitit 2014 kishte dalë në një nga lokalet e natës ku kishte takuar një miken e tij të shoqëruar me një vajzë tjetër. Pasi kishin mirë një numër të konsiderueshëm kokteilesh ai u kishte ofruar t’i shoqëronte me makinën e tij “Aston Martin” në shtëpinë e tij. Aty, sipas Abdulaziz, mikja e tij kishte shkuar të flinte në një nga dhomat ndërsa shoqja e saj e kishte shoqëruar në dhomën e gjumit.
Nga ky moment e prapa, versionet e dy palëve janë të ndryshme. Viktima pretendonte se është zgjuar në mes të natës ndërsa ka parë se ai po përpiqet të penetronte kundër vullnetit të saj. Në atë moment ajo thotë se është shokuar dhe ka thirrur miken e saj që ka njoftuar policinë.
Abdulaziz, në krahun tjetër e ka ndryshuar shpesh versionin e fakteve që kanë ndodhur atë natë. Sipas “Huffington Post” në fillim ai ka thënë se vajza e ka tërhequr nga vetja, por ka mbajtur duart në mes të këmbëve. Por nga analizat del se vajza kishte gjurme sperme brenda saj ndaj ai u morr sërish në pyetje. Këtë herë ka thënë se ai u rrëzua dhe gabimisht ndodhi penetrimi. “Vajza i vuri duart e mia mbi vaginën e saj. Unë u rrëzova mbi të dhe gabimisht penisi im hyri brenda”.
Në seancën e mbajtur këtë të mërkurë në Southëark Croën Court është dhënë vendimi. Miliarderi është lehtësuar nga akuzat për përdhunim. Shtypi britanik e ka konsideruar të paprecedentë vendimin e dhënë dhe të gjithë janë lëshuar mbi gjykatësin Martin Griffiths që i besoi alibisë së 46-vjeçarit.
