Probleme me shkrimin e shqipes nuk kanë vetëm deputetët “e fortë” të parlamentit të Shqipërisë, por edhe institucionet. Më së shumti gabimet në drejtshkrimin e gjuhës i ndeshim në komunikatat e policisë. Por ushtria nuk mbetet pas. Ja çfarë shkruhet në një deklaratë të bërë sot nga Ministria e Mbrojtjes në lidhje me operacionin për pastrimin e plazhit të Durrësit nga ndotja si pasojë e derdhjes së naftës. “Forcat e Armatosura janë të angazhuara në plazhin e Durrësit në operacionin e c'ndotjes së ndodhur gjatë ditës së djeshme.” Pastrimin nga ndotja, në Ministrinë e Mbrojtjes e quajnë “c’ndotje”, një fjalë që nuk ekziston në asnjë nga fjalorët e shqipes. Dhe kujdes; nuk është një gabim drejtshkrimor. Kjo fjalë përdoret e tillë përdoret disa herë gjatë deklaratë. “Anije c'ndotëse dhe patrullimi kanë rrethuar zonat e ndotura dhe po punojnë për thithjen e ndotjes dhe normalizimin e situatës.” Nëse në Ministrinë e Mbrojtjes duan ta përdorin gërmën “ç” për të ndërtuar antonime, e kanë të gatshme tek fjala “çarmatosje” dhe s’kanë nevojë të armatosen me neologjizma që lindin si pasojë e injorancës në gjuhën amtare. / Lapsi.al
