Prej dy ditësh po vazhdon një spekullim me hiret e kandidates demokrate për bashkinë e Durrësit. Fillimisht gazeta kosovare Express lajmëroi se “Grida Duma, pësoi një ‘incident’ derisa po largohej nga fushata në këtë qytet. Për shkak të motit fustani i saj ekstravagant i ka vizatuar trupin, duke ofruar një pamje të të pasmeve të saj që sipas Express krahasohej në stilin e yllit televiziv Kim Kardashian. Ky lajm u morr më pas edhe nga gazeta të tjera. “Tema” e vazhdoi këtë “lojë” duke iu referuar rrejteve sociale: “Ne rrjet kane filluar te bejnë humor me nje foto te saj, ku era e ka vene ne siklet, duke ja ngjitur fustanin pas trupit. Humori qendron ne faktin se shume lexues e quajne menyren si eshte mbledhur fustani “Drejtimi i duhur” (foto poshte). Por tani Lapsi.al ka arritur të sigurojë fotot e vjedhura të asaj që publikut iu shit si zonja Duma. Justyna Steczowska është emri i femrës, të pasmet e së cilës u shpërndanë me shpejtësi në portalet online duke pretenduar se ishin të kandidates për Durrësin, Grida Duma. Justyna është një artiste polake (foto e fundit poshte) po aq e përfolur sa edhe Kim Kardashian për të pasmet e saj. Por përpos këtij lajmi të vërtetë lapsi.al po boton edhe një foto se si duket znj.Duma në të vërtetë nga pas.
