Në Dibër, kryeministri Rama, veç prezantimit të kandidatit për bashkinë pa nga afër edhe disa investime. Ai vizitoi një fabrikë të përpunimit të frutave, të ngritur me mbështetje të qeverisë. Fermeri që e ka ndërtuar atë nuk është krejt i panjohur. Ai quhet Veip Salkurti. U bë i njohur në konventat e PD –së në fushatën e vitit 2013. Në atë kohë, akuzonte opozitën për bllokim të reformave. Ndërsa sot, me fitoren e Rilindjes, në takimin me Ramën akuzoi Berishën se nuk e ndërtoi rrugën e Arbërit. Duket se stafi i kryeministrit është kujtuar për të shkuarën e tij, ndaj edhe ka postuar në faqen e tij në Facebook videon ku ai shfaqet me një tjetër qëndrim si për kreun e qeverisë ashtu edhe për paraardhësin e tij. Për më tepër shihni videot.
