Një ditë përpara natës që do të çelë zyrtarisht garën për Eurovision 2015, Elhaida Dani ka kryer provën e tretë dhe të fundit në skenën e Vienës. Këngëtarja shqiptare duket se nuk ka dhënë më të mirën. Në momente të caktuara vokali i është fshirë, ka patur luhatje të vogla intonacioni ndërsa disa nota të larta, Elhaida i ka anashkaluar. Interpretimi i këngëtares ka ngrohur të pranishmit në sallë (të cilët duartrokasin përpara dhe pas këngës), mirëpo nuk ka arritur të emocionojë shikuesit e youtube. Urojmë që kjo provë të jetë vendosur qëllimisht të ekzekutohet në këtë mënyrë, teknike dhe pa harxhuar energji. Për ndryshe, i dëshirojmë Elhaidës të japë maksimumin mbrëmjen e së martës, për të treguar se Shqipëria është "Alvie" dhe e meriton fitoren.
