Eli Fara i është kundërpërgjigjur botueses Arlinda Duda e cila kishte refuzuar ta rendiste këngëtaren në mes femrave më të bukura në vite, duke e konsideruar si një bukuri turke. Por vetëm disa ditë pas këtyre deklaratave në Opinion, Eli Fara ka kundërsulmuar në një intervistë në gazetën Panorama. Ajo ka aluduar se vetëm gratë e pabukura janë zheloze për të tjerat. "Në përgjithësi nuk e kam ndier xhelozinë femërore. Femrat shqiptare nuk janë xheloze (përveç rasteve të rralla), sepse janë vetë të bukura" ka hedhur helm ajo në debatin që vazhdon prej ditësh. Ajo ka treguar gjithashtu se nuk i ka kushtuar ndonjëherë vëmendje të madhe këtyre renditjeve që janë bërë dhe bëhen vazhdimisht nëpër media, sepse “bukuritë e mia jo sipërfaqësore janë pa fund. Unë me ato krenohem”, ndërsa bukurinë e jashtme të vetes, ajo e ka meritë të trashëguar: “Vij nga prindër të bukur”.
I gjithë ku debat lindi pas një emisioni të Blendi Fevziut për bukuritë shqiptare ndër vite. Një opinion i botueses Arlinda Dudaj në emisionin “Opinion” është bërë objekt diskutimi të gjatë të rrjetet sociale. Në listën e 10 femrave më të bukura ndër vite ka qenë e përfshirë edhe këngëtarja Eli Fara, por botuesja Dudaj e ka kundërshtuar këtë renditje duke përjashtuar këngëtaren korçare nga kjo listë. I menjëhershëm ka qenë reagimi i fotografit Endrit Mërtiri (i ftuar në panel), i cili jo vetëm ka kundërshtuar mendimin e botueses Dudaj, por e ka vazhduar debatin edhe në rrjetet sociale pas programit. Nw fakt debati u transferua aty. Në mbështetje të Eli Farës, në Instagram u përfshi edhe mikesha e saj e ngushtë, Aurela Gaçe, e cila po ashtu nuk nguron të shprehë hapur vlerat e këngëtares korçare (poshte).
Por pikërisht kur u duk se ky debat do të mbyllej, kur fotografi mërtiri i fshiu komentet në faqen e tij, Eli Fara e ka rindezur atë me një goditje nën brez. Nuk thonë më kot që femrat të falin ti prekësh tek gjithshka, por tek pamja fizike jo. Kurrë.
