Edhe pse nuk këndon live, kur vjen puna tek performanca në skenë, Tuna di t’a shesë si të vërtetë interpretimin e saj. Marrëdhënia e këngëtares me mikrofonin të krijon iluzionin se ajo përpiqet të kapë sa më saktë notat e hiteve që thuajse gjithë publiku i ka mësuar përmendësh.
Fotot e Tunës duke kënduar janë fiksuar fundjavën e shkuar në kryeqytet, në një nga club-et ku këngëtarja u ftua të kënaqë fansat e saj. Por, veç të pranishëmve atë natë, që krahas muzikës shijuan edhe shfaqjen ekstravagande të ‘zogut’, të tjerët që panë fotot në internet, i komentuan këto poza si pjesë të performancës provokuese, që Tuna dhuron, kur si mjet joshës përdor mikrofonin.
