Deputetja Marjana Koçeku i është bashkuar protestës qytetare para Kryeministrisë, e cila këtë mbrëmje po zhvillohet për të 49-ën ditë radhazi. Ajo është parë mes protestuesve, e shoqëruar nga disa persona. Pak para nisjes së protestës, Koçeku publikoi një video në rrjetet sociale, ku njoftoi se do të ishte pjesë e tubimit dhe vlerësoi qëndrueshmërinë e qytetarëve që prej javësh protestojnë në rrugët e Tiranës.
Pjesëmarrja e Koçekut vjen rreth një muaj pasi ajo u largua nga grupi parlamentar i Partisë Socialiste dhe vijoi mandatin si deputete e pavarur. Që prej largimit nga mazhoranca, ajo ka shtuar kritikat ndaj qeverisë dhe kryeministrit Edi Rama, ndërsa tashmë i është bashkuar edhe protestës që kërkon dorëheqjen e kreut të qeverisë.
