Një aksident rrugor është regjistruar pasditen e kësaj të shtune në unazën e qytetit të Fierit. Një automjet tip BMW doli nga rruga dhe u përplas me dy makina të parkuara. Sipas të dhënave paraprake, drejtuesi i BMW-së humbi kontrollin e mjetit, duke shkaktuar përplasjen.
Shoferi mbeti i plagosur dhe u transportua me ambulancë në spitalin rajonal të Fierit, ku po merr ndihmë mjekësore. Policia ka nisur hetimet për të zbardhur shkaqet e aksidentit, ndërsa po punon edhe për normalizimin e qarkullimit në zonë.
