Dy persona, mes tyre një fëmijë, kanë mbetur të plagosur në një aksident rrugor të ndodhur këtë të shtunë në aksin Pogradec-Korçë, pranë Qafë-Plloçës. Sipas informacioneve paraprake, dy automjete u përplasën me njëra-tjetrën. Si pasojë e përplasjes, u plagos drejtuesi i njërit prej mjeteve dhe fëmija që udhëtonte me të.
Të dy u transportuan me ambulancë në spitalin e Pogradecit. Fatmirësisht, ndodhen jashtë rrezikut për jetën. Policia ka mbërritur në vendngjarje dhe po heton shkaqet e aksidentit.
