Raundi i parë i rivalitetit mes Simeone dhe Mourinho i shkon “Cholos”. Atletico Madrid fiton derbin e kryeqytetit spanjoll dhe e bën këtë me plot meritë. “Los Colchoneros” kalojnë në avantazh në minutën e 53' falë Grimaldo, i cili mposhti Courtois nga pika e bardhë, pas penalltisë së akorduar për faullin e Huijsen, që ndëshkohet gjithashtu me karton të kuq. Për të dyfishuar avantazhin mendon Jonathan David, i cili duket se është rilindur pas largimit nga Juventus. Real përpiqet të reagojë dhe shkurton diferencën me Rüdiger, por nuk arrin të gjejë golin e barazimit.
Pjesa e parë që zhvillohet në “Metropolitano” të Madridit është shumë zhgënjyese, pasi as Reali dhe as Atletico nuk arrijnë të krijojnë rrezik të vazhdueshëm. Pas 15 minutash provon David, por goditja me kokë e ish-sulmuesit të Juventusit nga një pozicion i vështirë përfundon jashtë. Gjuajtja e vetme në kuadrat në fraksionin e parë vjen nga “Los Blancos” në minutën e 40', me Arda Güler: goditja e tij e dënimit pritet pa shumë vështirësi nga Oblak.
Në pjesën e dytë ndeshja ndryshon krejtësisht dhe meritat i takojnë mbi të gjitha Atletico Madrid. Në minutën e 49', Giuliano Simeone fiton një penallti: sulmuesi anësor argjentinas, i nisur drejt portës pas një pasimi të gjatë të Hanckos, pengohet nga Huijsen. Mbrojtësi, ish-lojtar i Romës dhe Juventus, fillimisht ndëshkohet me karton të verdhë, por më pas Ortiz Arias thirret nga VAR-i për të parë pamjet në monitor dhe vendos ta përjashtojë qendërmbrojtësin.
Nga pika e bardhë ekzekuton Grimaldo, i cili dërgon Courtois në drejtimin e gabuar dhe shënon për 1-0. Vetëm gjashtë minuta më vonë, në të 59', Atletico dyfishon avantazhin me David, i shërbyer në qendër të zonës nga Giuliano Simeone, i cili ishte pa diskutim lojtari më i mirë në fushë. Për sulmuesin kanadez bëhet fjalë për golin e tretë radhazi, duke dhënë përshtypjen se ka rigjetur formën e tij pas largimit nga Juventus.
I know we are a man down but just look at this defending. Look at the space David had. What a clownshow.
by u/Sparrow_tora_999 in realmadrid
Atletico kontrollon ritmin e lojës dhe përpiqet të menaxhojë avantazhin, i favorizuar edhe nga epërsia numerike. Në minutën e 70', vendasit janë pranë golit të tretë me Romeron, por fillimisht Courtois dhe më pas Konaté arrijnë të shpëtojnë Realin. Në minutën e 89' vjen goli që mund ta rihapte plotësisht takimin. Pas goditjes së dënimit të Bernardo Silvas, Rüdiger paraprin të gjithë dhe mposht Oblak, duke e çuar rezultatin në 2-1. Megjithatë, Real nuk arrin të gjejë golin e barazimit.
Me fitoren në derbi, Atletico parakalon pikërisht Realin në renditje dhe afrohet në -5 pikë nga Barcelona, e cila për momentin duket e paarritshme për të gjitha skuadrat që e ndjekin. Për Mourinhon dhe ekipin e tij, kjo është humbja e dytë në shtatë ndeshjet e para të kampionatit.
