Një sherr, mesa duket i shkaktuar nga “motive dashurie” ndodhi të shtunën në mbrëmje pranë një bari në Piazza Bernardino de Lera në Cremona të Italisë. Sipas mediave italiane 6 persona ishin të përfshirë, 5 shqiptarë dhe 1 italian. Makinat e patrullës së policisë shkuan menjëherë pas raportimit për një sherr midis disa personave.
Pasi mbërritën në vendngjarje, oficerët e policisë identifikuan 3 shqiptarë, të moshës 29, 44 dhe 49 vjeç, të gjithë me dënime të mëparshme për krime kundër personave dhe pronës dhe një shtetas italian 50-vjeçar.
Ata raportuan se u sulmuan nga dy persona të tjerë, të njohur për ta, që ishin larguar nga vendi i ngjarjes me një makinë. Një ambulancë shkoi në vendngjarje dhe e transportoi shqiptarin 44-vjeçarin në spital me lëndime të lehta.
Më pas mbërritën edhe dy autorët e akuzuar, dy shtetas shqiptarë të moshës 20 dhe 24 vjeç, me dënime të mëparshme për vepra penale që lidhen me drogën.
Pas hetimeve dhe marrjes së dëshmive, të gjashtë personat u akuzuan për përplasje të shkaktuar nga motive romantike. Shefi i policisë së Kremonës do të marrë gjithashtu masa parandaluese kundër tyre. ©LAPSI.al
