Një hetim i Gardës Civile dhe Policisë Kombëtare spanjolle ka zbërthyer strukturën e fuqishme të "Klanit Vokkri", një organizatë me bazë familjare që dominonte trafikun e drogës në Ibiza, Barcelonë dhe Valencia.
ABC, shkruan se ky klan dyshohet se drejtohej nga Emanuele Vokkri, Donald Vokkri, Robert Muka dhe Mario Vreta, ndërsa anëtarët e mbetur ishin rumunë dhe shqiptarë me lidhje të forta me këtë familje.
Operacionet e organizatës kriminale mbështeteshin te Stefan Milojevic Bjekovic, djali i një ish-futbollisti të Mallorca CF, udhëheqës i bandës neonaziste të motorçiklistëve United Tribuns në Spanjë dhe një luftëtar i MMA-së, i cili tashmë është arrestuar. Si pasojë e këtij operacioni, në pranga ranë 76 persona të dyshuar në pëfshirje të aktivitietit kriminal, u sekuestuan 687 kg kokainë dhe 2,500 kg hashash.
