Flash

Nikulaj u ekzekutua në një bar buzë detit! The Sun: Gjakëmarrja e ftohtë shqiptare

Lapsi.al 22 January 2026
Nikulaj u ekzekutua në një bar buzë detit! The Sun:

Vrasja e biznesmenit dhe politikanit shqiptar Ardian Nikulaj në prill të vitit 2023, ka shkaktuar reagime të shumta në mediat britanike. Ky atentat po hetohet nga autoritetet britanike për të bërë të mundur ekstradimin e personave të akuzuar si pjesëmarrës në këtë vrasje.

Gjithçka nisi nga një konflikt midis dy familjeve në Lezhë, Nikulaj dhe Lekstakaj, që daton nga viti 1997. Gjatë viteve, ky konflikt ka shkaktuar disa viktima nga të dyja palët. Vrasja e biznesmenit Ardian Nikulaj në prill 2023 ishte "kapitulli" i radhës i kësaj gjakmarrjeje. Pamjet e kamerave të sigurisë të publikuara nga The Sun, tregojnë një vrasës me pagesë duke hyrë qetësisht në një bar buzë plazhit në Shqipëri dhe duke e qëlluar shtatë herë me pistoletë biznesmenin Ardian Nikulaj.

Gazeta shkruan se, e gjithë masakra ka ndodhur në një rajon të largët të Shqipërisë veriore, ku një kredo e lashtë e hakmarrjes ende mbizotëron. Vrasja e Ardianit ishte unike në historinë e gjatë dhe të përgjakshme të Shqipërisë, sepse për herë të parë u rekrutua një ekip i huaj me vrasës të dyshuar nga Britania.

Ndërsa policia në Shqipëri 'ka frikë' nga kjo 'gjakderdhe',  faza tjetër e kësaj lufte të pafundme midis dy familjeve po zhvillohet në gjykatat e Mbretërisë së Bashkuar, ku të akuzuarit për vrasjen e Ardian Nikulajt po luftojnë kundër ekstradimit në Shqipëri për gjykim. The Sun udhëtoi për në Shqipëri për të ndjekur gjurmët e skuadrës së dyshuar të ekzekutorëve në ditët dhe orët para të shtënave.

Familjarët e Ardianit hapën gjithashtu dosjen e tyre me prova, të cilat thonë se vërtetohet se kush fshihej pas vrasjes së tij brutale. Ata zbuluan gjithashtu frikën e tyre se vrasja nuk ka mbaruar ende pasi vëllait të Ardianit i është thënë se ka një çmim prej 1.7 milion paundësh për 'kokën e tij', ndërsa armiqtë në Mbretërinë e Bashkuar po kërkojnë për një vrasës me pagesë që është i gatshëm të pranojë kontratën.

Rudina, e veja e Ardianit, 49 vjeç, qau ndërsa i tha The Sun: “Vrasjet duhet të ndalen, ka pasur shumë gjëra tashmë. Ne duam drejtësi për Ardianin dhe po i lutemi Mbretërisë së Bashkuar që të bëjë gjënë e duhur dhe të dërgojë këtu ata njerëz të dyshuar për këtë krim që të përballen me gjyqin. Por edhe gjakderdhja duhet të marrë fund. Shumë fëmijë kanë mbetur pa baba."

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

12°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI