Timothée Chalamet duket se nuk pëlqen aspak të flasë për jetën e tij private.
Në intervistën e fundit për kopertinën e muajit dhjetor të revistës Vogue, 29-vjeçari refuzoi të komentojë lidhjen e tij me Kylie Jenner, duke e mbajtur marrëdhënien sa më larg vëmendjes së publikut.
“Unë nuk e them këtë me frikë, por thjesht nuk kam asgjë për të thënë,” u shpreh aktori, kur u pyet për romancën me 28-vjeçaren Jenner.
Çifti është bashkë që nga pranvera e vitit 2023 dhe kanë bërë disa paraqitje publike në tapetin e kuq, përfshirë çmimet David Di Donatello në Romë dhe Festivalin e Filmit në Nju Jork. Më vonë, ata u panë edhe në një ndeshje të New York Yankees, ku Kylie mbante një xhaketë me titullin e filmit të ri të Chalamet.
Edhe pse nuk foli drejtpërdrejt për marrëdhënien, aktori i Dune rrëfeu se e vlerëson shumë idenë e familjes dhe martesës. “Më kanë mësuar që s’ke pse të jesh egoist për të qenë i famshëm. Kam punuar me regjisorë që janë të jashtëzakonshëm në karrierë, por edhe prindër e partnerë të përkushtuar,” tha ai.
Chalamet përmendi regjisorin Denis Villeneuve si shembull për balancën mes karrierës dhe jetës familjare, ndërsa zbuloi se xhirimet e Dune: Part Three janë drejt fundit dhe filmi do të publikohet në dhjetor 2026.
