Billie Eilish, SZA, Beyoncé, Eminem, Post Malone, Becky G dhe Gracie Abrams ishin mes fituesve të mëdhenj në American Music Awards 2025.
Eilish, e cila nuk mundi të marrë pjesë fizikisht për shkak të turneut të saj botëror, dominoi mbrëmjen duke fituar shtatë çmime: Artiste e Vitit, Albumi i Vitit, Kënga e Vitit, Artistja më e Mirë në Turne, Artistja më e Mirë Pop, Albumi më i Mirë Pop dhe Kënga më e Mirë Pop.
Beyoncé, edhe ajo e munguar në ceremoni, fitoi dy çmime: Artistja më e Mirë Country dhe Albumi më i Mirë Country. Kjo shënoi herën e parë që ajo, si një fituese e 11 çmimeve AMA më parë, u vlerësua në kategorinë e muzikës country.
SZA fitoi për Këngën më të Mirë R&B dhe për Artisten më të Mirë Femër në këtë zhanër. Eminem, edhe pse nuk ishte i pranishëm, mori çmimet për Artistin Mashkull më të Mirë Hip-Hop dhe për Albumin më të Mirë Hip-Hop.
Janet Jackson, e nderuar me Çmimin Ikonë, performoi disa nga hitet e saj, përfshirë “Someone to Call My Lover” dhe “All for You.”
“Jam shumë mirënjohëse. Pa asnjë mungesë respekti, por nuk e konsideroj veten një ikonë. Familja ime dhe unë nuk e kishim ëndërr të bëheshim të famshëm – nuk jemi rritur me atë mendësi.
Thjesht kishim dashuri të thellë për muzikën, kërcimin dhe këndimin. Fama erdhi si rezultat i punës së palodhur dhe përkushtimit,” tha Jackson në fjalimin e saj.
Në skenën e AMAs performuan gjithashtu: Benson Boone, Blake Shelton, Gloria Estefan, Gwen Stefani, Lainey Wilson, Alex Warren dhe Reneé Rapp. Prezantuesit përfshinë emra si JLo, Alix Earle, Cara Delevingne, Ciara, Dan + Shay, Dylan Efron, Jordan Chiles, Kai Cenat, Megan Moroney, Nikki Glaser, Shaboozey, Tiffany Haddish dhe Wayne Brady.
American Music Awards, të cilat votohen tërësisht nga fansat, këtë vit u mbajtën në Fontainebleau Las Vegas.
Lista e fitueseve
Artisti i Vitit
Billie Eilish
Artistja më e mirë e re
Gracie Abrams
Albumi i Vitit
Billie Eilish – “Hit Me Hard and Soft”
Kënga e Vitit
Billie Eilish – “Birds of a Feather”
Bashkëpunimi i Vitit
Lady Gaga & Bruno Mars – “Die With a Smile”
Turneu më i mirë i vitit
Billie Eilish
Artisti më i mirë Pop
Bruno Mars
Artistja më e mirë Pop
Billie Eilish
Artistja më e mirë Country
Beyoncé
Artisti më i mirë Hip-Hop
Eminem
Artistja më e mirë Hip-Hop
Megan Thee Stallion
Artistja më e mirë R&B
SZA
Artisti më i mirë R&B
The Weeknd
Artisti më i mirë Latin
Bad Bunny
Artistja më e mirë Latin
Becky G
Artistja më e mirë K-Pop
RM (BTS)
Artistja më e mirë Afrobeats
Tyla
