George Kaplan, i cili punoi për Sean “Diddy” Combs nga viti 2013 deri në 2015, dëshmoi të mërkurën se shpesh ngarkohej të organizonte qëndrimet në hotele ku ndodhnin “Freak-Offs” të reperit.
Asistenti i mëparshëm tha se fillimisht ishte punësuar për t’i marrë Combs-it, 55 vjeç, ushqim, produkte tualeti apo sende të tjera të shtëpisë që mund t’i duheshin, por roli i tij ndryshoi me kalimin e kohës sepse shefi i tij “i besonte pak më shumë”.
Kaplan dëshmoi në gjykatën federale të Manhattan-it se një ditë iu dha një çantë me sende personale të Combs-it brenda saj, përfshirë rroba, një altoparlant, pije alkoolike, vaj për foshnje dhe Astroglide.
Më pas, ai duhej të ripërgatiste të njëjtat furnizime duke përdorur një kartë krediti korporative të Combs Enterprises.
Kaplan zbuloi se ai telefononte hotelet vetëm disa orë përpara për të prenotuar një dhomë për Combs-in nën pseudonimin “Frank Black” në qytete si New York, Los Angeles apo Miami.
Ai vuri në dukje se disa nga vendet e preferuara për të qëndruar të themeluesit të Bad Boy Records ishin hoteli Trump në Columbus Circle, SLS në South Beach dhe InterContinental në Los Angeles.
Ventura tregoi gjithashtu javën e kaluar se reperi i këngës “Last Night” e prezantoi atë me “Freak-Offs” në moshën 22 vjeç dhe se Combs i shihte këto akte si “voyerizëm”, ose kur dikujt i ngjallet dëshira seksuale duke parë të tjerët duke kryer marrëdhënie seksuale.
Ajo gjithashtu pohoi se “Freak-Offs” ndodhnin çdo javë dhe që më i gjati zgjati deri në rreth katër ditë.
Pas përfundimit të “Freak-Offs”, Kaplan dëshmoi se duhej të ndihmonte në pastrimin e dhomave të hotelit, duke hequr shumë shishe Gatorade, shishe alkooli dhe shishe vaji për foshnje, në mënyrë që stafi i hotelit të mos dyshonte.
Ish punonjësi tha se ishte në dijeni se hotelet shpesh shisnin imazhe ose video për të “turpëruar” figura publike dhe se kjo ishte diçka që ai “donte ta shmangte”.
“Ndodhi një rast i vetëm kur hasa një pluhur kafe të kristalizuar dhe nuk e dija çfarë ishte, ndaj e hodha,” pretendoi ai.
Pavarësisht se George u bë një punëtor i besuar për reperin e “I Need a Girl” me kalimin e kohës, Combs bënte “kërcënime mujore” se ai mund ta humbte punën.
Autoritetet federale kanë ngritur akuza ndaj Combs duke pretenduar se ai përdori Combs Enterprises për të kryer aktivitete të paligjshme. Ai është gjithashtu i akuzuar për trafikim seksual dhe transport për qëllime prostitucioni.
Reperi i “Bad Boy for Life” i ka mohuar të gjitha akuzat dhe është deklaruar i pafajshëm.
