Michelle Williams tregon se sa “e tmerrshme” ishte të jetonte me Ryan Gosling gjatë xhirimeve të "Blue Valentine"
Michelle, rrëfeu gjatë një episodi të podcastit Armchair Expert me Dax Shepard se si ajo dhe Gosling acaroheshin me njëri-tjetrin gjatë realizimit të filmit Blue Valentine në vitin 2010.
“Xhiruam pjesën e parë [të filmit], kur ata janë të rinj dhe të dashuruar dhe gjithçka shkon mirë,” tha Williams. Por sipas skenarit, martesa e personazheve të tyre fillon të rrënohet me kalimin e kohës.
Si pjesë e një forme të aktrimit metodik, ata bënë një pauzë dy-javore nga xhirimet dhe kaluan atë kohë duke jetuar së bashku.
“Orar zyre, pra nga ora 9 deri në 5. Situatë profesionale,” tha Williams. “Gjatë ditës bënim improvizime për të zbuluar mënyra për të acaruar njëri-tjetrin dhe për të shkatërruar atë që kishim ndërtuar.”
Për të nisur këtë dinamikë toksike martesore, ata “dogjën” fotografinë e dasmës së personazheve të tyre.
“E tmerrshme ishte,” pranoi ajo. “Mësuam si ta acarojmë njëri-tjetrin. Ishte e dhimbshme.”
Regjisori Derek Cianfrance shkonte në shtëpinë e tyre të përkohshme për t’ju dhënë skenarë që do t’i largonin emocionalisht nga njëri-tjetri.
Megjithëse përpiqeshin të krijonin konflikte për rolet e tyre, ajo tha se e kishte të vështirë të lëshonte lidhjen që kishin ndërtuar: “Nuk doja t’i jepja arsye që të më urrente. Ishim duke kaluar kaq mirë. Pse festa duhet të përfundojë kaq shpejt?”
Në fund, ajo ndjeu përçmim, jo ndaj Gosling, por ndaj vetes: “Nuk ke nevojë të më urresh, sepse tani e urrej vetë veten tim. Jam e bezdisshme. Po nxirrnim në pah cilësitë më të këqija të vetes.”
Në një intervistë më të hershme për NPR në vitin 2010, edhe Gosling kishte treguar për këtë përvojë: “Festuam Krishtlindje të rreme, vendosëm pemë, gatuam torta ditëlindjeje dhe blenim dhurata. Bënim gjithçka për të krijuar kujtime të vërteta, që në pjesën e fundit të filmit të kishim kujtime reale për të cilat mund të mbështeteshim emocionalisht.”
