Aktorja e njohur Kate Hudson, e ftuar në një intervistë, ka shprehur mirënjohjen ndaj partnerit, i cili sipas saj, mund të përballojë tendencën e saj për të flirtuar me këdo. 45-vjeçarja zbuloi se i fejuari i saj, Danny Fujikawa, me të cilin ka vajzën e saj më të vogël, Rani, nuk shqetësohet nga flirtimi i aktores me të tjerë.
Sipas People, Hudson është gjithashtu nëna e 21-vjeçarit Ryder, të cilin e kishte me ish-bashkëshortin e saj, Chris Robinson dhe 13-vjeçarin Bing, nga fejesa me Matt Bellamy.
Kate Hudson pranon se flirton me të gjithë dhe i fejuari Danny Fujikawa është në rregull me të: “Kam takuar djalin e duhur,” shprehet aktorja. “Herën e parë që takova Danny, isha 23 vjeçe dhe shtatzënë me Ryder-in. Gjysmë motrat e tij, Sarah dhe Erin Foster, janë shoqet e mia më të mira, ndaj ne kemi qenë në të njëjtin mjedis prej vitesh”.
Por marrëdhënia e tyre mori një kthesë të papritur. “Një vit më parë, Danny më çoi në shëtitje dhe ajo që mendova se ishte një shëtitje e thjeshtë me një mik të familjes, por shpejt u shndërrua në takimin tonë të parë”, zbuloi ajo ndërsa shtoi: “Në realitet, atij iu deshën muaj që të bënte lëvizjen e tij të parë. Dhe puthja që erdhi një vit më vonë, ishte shumë më e ëmbël”, rrëfeu Kate.
