Partizani ka arritur një kualifikim spektakolar në gjysmëfinalet e Kupës së Shqipërisë, duke mposhtur Laçin me rezultatin 2-1 në “Arenën e Demave”. Pavarësisht se luajtën me një lojtar më pak për më shumë se 50 minuta, të kuqtë siguruan fitoren falë një goli vendimtar në minutën e fundit të kohës së rregullt.
Ndeshja nisi me një ritëm të lartë dhe vendasit kaluan shpejt në avantazh. Në minutën e 17’, sulmuesi bjellorus Kirill Podstrelov shfrytëzoi një mundësi të artë për të dërguar topin në rrjetë dhe për të çuar Partizanin në epërsi. Megjithatë, një moment kyç erdhi në minutën e 41', kur Sembene mori kartonin e dytë të verdhë, duke lënë skuadrën e tij me dhjetë lojtarë për pjesën e mbetur të ndeshjes.
Lexo më tej: Kupa/ Partizani nuk e mund dot Laçin as me 10 lojtarë: 0-0, kualifikimi në Tiranë
Arbër Abilaliaj, debutues në pankinë, pas largimit të Veselinovic nuk kurseu elozhet pas ndeshjes: "Jam tepër i kënaqur sepse me bindjen që kam për cilësitë e futbollistëve, e dija që ishte e vështirë, por kisha besim të plotë që do e kalonim më tutje. Vinim nga moment jo i mirë. Kjo përgjigje, si u luftua dhe u besua, ky është shpirti i këtij ekipi. Duhet të qëndrojmë në shina, për të kuptuar se ky ekip ka kualitet, grintë dhe nuk ka pse mos të arrijë të gjithë objektivat që ka".
[video width="640" height="360" mp4="https://cdnimpuls.com/lapsi.al/wp-content/uploads/2025/02/67bdedc637972.mp4"][/video]
Kualifikim me 10 lojtarë
Laçi, i motivuar nga superioriteti numerik, shtoi presionin dhe arriti të barazonte rezultatin në minutën e 56’ me një gol të Bibos, duke i dhënë një tjetër dimension sfidës. Me kalimin e minutave, duket se gjithçka po shkonte drejt shtesës, por Partizani kishte një tjetër plan. “Ka munguar goli. Skuadra luajti mirë dhe dominoi ndeshjen. Mund të bënim dhe ne golin e parë. Ndeshjet vendosen dhe në gabime individuale. Bëmë vetëm dy gabime dhe pësuam dy gola. Më vjen keq sepse me atë që treguan çunat në fushë, merituam të kalonim turin.
[video width="648" height="360" mp4="https://cdnimpuls.com/lapsi.al/wp-content/uploads/2025/02/67bdfc19a4f8b.mp4"][/video]
Në minutën e 89’, Albers Keko, i futur nga stoli, u shndërrua në heroin e ndeshjes duke realizuar golin e fitores për Partizanin. Gëzimi i tifozëve të kuq ishte i jashtëzakonshëm, pasi ekipi i tyre siguroi një kualifikim dramatik në gjysmëfinale, duke ia dhënë Abilaliajt fitoren e parë si trajner në rikthim. "Eleke është gati 100%, në javët në vazhdim do integrohet. Shumë futbollistë janë gati. Sot u zgjodhën këto futbollistë, duke pasur parasysh kundërshtarin që kemi përballë. Kjo i jep më shumë vlerë" e mbylli tekniku i të kuqve.
[video width="644" height="360" mp4="https://cdnimpuls.com/lapsi.al/wp-content/uploads/2025/02/67be037958ab7.mp4"][/video]
Tashmë, Partizani pret të zbulojë kundërshtarin e tij në raundin tjetër, ndërsa tifozët e tij shpresojnë për një rrugëtim të suksesshëm drejt finales së Kupës së Shqipërisë. "Duhet besuar që është ekip i ri, mekanizma dhe filozofi e re - tha Abilaliaj -. Duhet pak kohë, sot ishte vetëm 1 tullë për shtëpinë e madhe. Sot çunat të shijojnë fitoren, ka shumë gjëra për të bërë dhe për t’u kthyer në ekip që i pretendon të gjitha.
