Në podcastin e Alketa Vejsiut, Dalina Buzi, producente dhe një figurë e njohur e televizionit shqiptar, ka dhënë mendimin e saj për prirjet e televizioneve sot, duke i kritikuar ato hapur.
“Ajo që ndodh me televizionet, është që shkojnë drejt kërkesës së llumit,” deklaroi Dalina, duke ngritur shqetësimin për cilësinë e përmbajtjes televizive në vend.
Por Alketa nuk hezitoi ta sfidojë: “Po programi ‘Andale’ që po bën ti, nuk është njësoj? Pra, nuk është masa ajo që vendos për kontentin e asaj që ti po krijon?”
Dalina e justifikoi produksionin e saj duke theksuar kontrollin mbi audiencën dhe përmbajtjen: “Varet me çfarë njerëzish shkon. Çunat e mi nuk shkojnë kurrë në ‘Përputhen’ se nuk i lejoj unë. Se janë të rinj dhe do shajnë, le të shajnë…”
Pjesë nga biseda:
Alketa: Edhe programet televizive me nivel zero, ti thua që tallin audiencën. Po të isha në Amerikë do t’i shkoja deri në fund, do të ‘prija më shumë koka’.
Dalina: Ajo që ndodh me televizionet, është që televizionet shkojnë drejt kërkesës së llumit.
Alketa: Po programi ‘Andale’ që po bën ti, nuk është njësoj? Pra, nuk është masa ajo që vendos për kontentin e asaj që ti po krijon?
Dalina: Varet me çfarë njerëzish shkon? Çunat e mi nuk shkojnë kurrë në ‘Përputhen’ se nuk i lejoj unë. Se janë të rinj dhe do shajnë, le të shajnë…
