Një grua e paidentifikuar që akuzoi Jay-Z dhe Sean "Diddy" Combs për abuzim kur ajo ishte vetëm 13 vjeç në vitin 2000, tani po pranon se kishte disa mospërputhje në pretendimet e saj.
"Kam bërë disa gabime," tha gruaja nga Alabama për NBC News të Premten, duke iu drejtuar ngjarjes që ajo pretendon se ka ndodhur në një festë në shtëpi pas ndarjes së çmimeve MTV Video Music Awards 2000.
Gjatë intervistës, gruaja pranoi tre mospërputhje në rrëfimin e saj të asaj që dyshohet se ndodhi atë mbrëmje. Si rezultat, avokati i Jay-Z ka kërkuar që të përshpejtohet pushimi i çështjes në një dokument ligjor të marrë nga Page Six. Avokati Aleks Spiro i kërkoi gjyqtarit të premten mbrëma shkurtimin e afatit të depozitimit për pushimin e çështjes nga 21 ditë në një.
Kërkesa u bë në dritën e "zbulimeve mahnitëse publike të sotme dhe dëmtimit të rëndë të vazhdueshëm të reputacionit të zotit Carter", tha ai në letrën e depozituar në gjykatën e Nju Jorkut.
Sipas NBC News, gruaja anonime – pretendoi se babai i saj e mori atë pas përdhunimit të supozuar. Megjithatë, babai i saj thuhet se konfirmoi se nuk i kujtohet të ketë bërë një gjë të tillë.
Viktima e supozuar tha se ajo ende i qëndronte kujtimit të saj, megjithatë, dhe pohoi se babai i saj e ka të vështirë të kujtojë ngjarjet nga ajo periudhë kohore.
"Ka shumë gjëra, dhe këto janë gjëra për të cilat ne debatojmë vazhdimisht, diçka që ai tha ose bëri në Nju Jork rreth asaj periudhe kohore që ai thjesht nuk i mban mend," tha ajo për NBC News. "Në fakt shkakton shumë grindje ndonjëherë në familje."
Gruaja gjithashtu pretendoi se foli me Benji Madden në një festë të supozuar. Megjithatë, një përfaqësues i rockerit Good Charlotte tha se ai dhe vëllai i tij, Joel Madden, ishin në turne në kohën e incidentit të supozuar.
“Sinqerisht, ajo që është më e qarta është ajo që më ndodh. Jo të gjitha fytyrat atje janë aq të qarta,” tha gruaja për gazetën për disa nga paqartësitë e pretendimeve të saj. “Kështu që kam bërë disa gabime. Mund të kem bërë një gabim në identifikimin.”
Për më tepër, imazhet nga nata në fjalë tregojnë Jay-Z dhe Combs, të dy 55 vjeç, në një vend që nuk përputhet me përshkrimin e viktimës së supozuar. NBC News mori dhe rishikoi fotot e miqve të vjetër në klubin e natës Lotus pas VMA-ve të vitit 2000, por avokati i gruas, Tony Buzbee, tha se ajo nuk deklaroi se sulmi ndodhi në klubin e natës tashmë të mbyllur.
“Ne jemi përpjekur të konfirmojmë vendndodhjen e saktë. Asnjëherë nuk kemi sugjeruar se vendi ishte klubi Lotus”, tha Buzbee për NBC News. “Klientja jonë ka qenë shumë specifike dhe e detajuar në lidhje me përshkrimin e vendit ku ajo thotë se është dërguar, dhe ajo kurrë nuk ka deklaruar se ishte Lotus Club.”
Pavarësisht paqartësive në kujtesën e saj, akuzuesja tha se ajo ende i qëndron pretendimeve të saj në përgjithësi.
