Një sulm me armë zjarri vrau 1 person dhe plagosi 15 të tjerë pranë një stacioni hekurudhor në Kansas City të Misurit në SHBA, ku kampionët e NFL, Chiefs po festonin fitoren e tyre në Super Bowl.
Shefja e policisë Stacey Graves tha në një konferencë për shtyp se 2 të dyshuar janë në paraburgim. Policia tha se të dy ishin të armatosur. Graves tha se ishte në dijeni të lajmeve se disa tifozë kishin marrë pjesë në ndjekjen dhe kapjen e të paktën një prej të dyshuarve, por kjo ishte e pakonfirmuar.
Rreth 800 oficerë policie ishin në tubimin dhe paradën që i parapriu. Të gjithë lojtarët, trajnerët dhe stafi i Chiefs që morën pjesë në tubim janë të sigurt, u tha gazetarëve kryebashkiaku Quinton Lucas.
Video të dëshmitarëve okularë të postuara në platformat e mediave sociale treguan të stënat pranë stacionit dhe dhjetëra oficerë policie me uniformë me armë në dorë duke u futur në ndërtesa ndërsa dhjetëra kalimtarë të rastit iknin në drejtim të kundërt.
The Chiefs mposhtën të dielën San Francisco 49ers në kohën shtesë për të fituar Super Bowl, 25-22. ©LAPSI.al
