Britney Spears iu kundërpërgjigj Justin Timberlake pasi ai u duk se i referohej asaj gjatë performancës së tij mbrëma në hapjen e Fontainebleau në Las Vegas.
Para se të lançonte në albumin e tij debutues solo hitin "Cry Me a River" - që mendohet se ka të bëjë me tradhtinë e Spears - ai i tha audiencës: "Jo mungesë respekti".
Pas situatës Spears hyri në Instagram duke shkruar: Nuk e kam përmendur kurrë se si e munda në basketboll dhe ai do të qante."
Këngëtarja nuk zbuloi drejtpërdrejt nëse mbishkrimi i saj ishte për Timberlake, por mesazhi "Jo mungesë respekti" në fund të postimit të saj dukej si një përgjigje e drejtpërdrejtë ndaj performancës së tij në Vegas.
Dyshja ishin çifti "in" i Hollivudit midis viteve 1999 dhe 2002. Viti i ndarjes së tyre ishte i njëjti vit ku u publikua videoja "Cry Me a River" e cila nënkuptonte se artistja e kishte tradhëtuar.
Kjo e fundit pranoi se kishte tradhtuar Timberlake me balerinin Wade Robson një herë gjatë romancës së tyre në kujtimet e saj, "The Woman in Me".
“Ne ishim jashtë një natë dhe shkuam në një bar spanjoll. Kërcyem së bashku dhe u puthëm atë natë,” kujton ajo. Megjithatë, Britney shkroi gjithashtu në librin e saj se fituesi i Grammy-it e tradhtoi atë "disa herë" - duke përfshirë edhe një personazh tjetër të famshëm./Lapsi.al
