Sophie Turner është rikthyer në rrjetet sociale mes divorcit të saj me Joe Jonas.
Aktorja e Game of Thrones theu heshtjen e saj në Instagram për të ndarë mbështetjen e saj për Planin Pozitiv të Energjisë, një nismë që synon ndalimin e ngrohjes globale dhe integrimin e burimeve të energjisë së pastër për të krijuar një planet më të qëndrueshëm.
Në video, Turner u kërkoi 14 milionë ndjekësve të saj në Instagram që të kontrollojnë organizatën dhe qëllimet e saj dhe të mbrojnë energjinë e rinovueshme duke iu bashkuar lëvizjes së Planit Pozitiv të Energjisë.
"Përshëndetje të gjithëve! Më është kërkuar të përhap fjalën për fuqinë pozitive," thotë Turner në videon e shkurtër. "Dhe duke bërë hulumtimin dhe duke vërejtur efektet shumë të qarta të ngrohjes globale, është diçka për të cilën unë me të vërtetë doja të ndërgjegjësoja."
“Ne duhet të kalojmë, të lëvizim, te energjia e rinovueshme dhe ta lëmë natyrën të na japë fuqi – dhe jo vetëm fuqi, fuqi pozitive”, vazhdon ajo.
Videomesazhi i aktores vjen më shumë se dy muaj pas postimit të saj të fundit, në të cilin ajo dhe Jonas, shpallën divorcin e tyre.
Në postimet e tyre përkatëse të 6 shtatorit, të dy komentuan spekulimet rreth martesës së tyre dhe konfirmuan ndarjen , një ditë pasi Jonas bëri kërkesë për divorc, duke cituar se "martesa mes palëve është shkatërruar në mënyrë të pakthyeshme".
"Deklaratë nga ne të dy: "Pas katër viteve të mrekullueshme, ne kemi vendosur reciprokisht t'i japim fund martesës sonë ," shkroi dyshja -- që kanë vajzat Willa, 3 dhe Delphine, 1 vjeç.
"Ka shumë narrativa spekulative se pse, por me të vërtetë ky është një vendim i përbashkët dhe ne sinqerisht shpresojmë që të gjithë mund të respektojnë dëshirat tona për privatësi për ne dhe fëmijët tanë," përfundon deklarata e tyre./Lapsi.al
