Në një intervistë të fundit të 60 Minutave, Pink u rrëfye për mbid0zën e saj të kaluar dhe reputacionin e saj në industrinë e argëtimit.
Ndërsa shumë të famshëm zgjedhin një qasje më private, Pink ka qenë gjithmonë një libër i hapur, duke ndarë përvojat dhe emocionet e saj përmes muzikës, performancave live dhe rrjeteve sociale. Megjithatë, kjo transparencë nuk ka ardhur pa pasoja, pasi ajo ka treguar se është kërcënuar me vdeekje për disa nga mesazhet që ka ndarë me fansat e saj.
"Unë mendoj se e shikoj atë në një mënyrë shumë specifike," thotë Pink. "Nëse unë jam një mister për ju, si mund të pres që ju të lidheni me mua? Unë dua t'i njoh. Unë dua që të më njohin mua."
Në intervistë, Pink u shpreh edhe për momentin e saj më të errët kur ajo mori dozën e tepërt gjatë një feste për Ditën e Falënderimeve në vitin 1995.
Këngëtarja kujton se pothuajse humbi jetën, por një shoqe e ngrejti dhe e inkurajoi të këndonte. DJ në event i bëri një premtim : "Kthehu nesër, do të lejoj të interpretosh. Por nuk do të konsumosh më dr0gë." Pink e mbajti fjalën dhe nuk u kthye kurrë pas.
Udhëtimi i saj më pas në industrinë e muzikës filloi si këngëtarja kryesore e një grupi vajzash R&B dhe ajo nënshkroi me LaFace Records. Por vendosmëria e saj për të qëndruar besnike ndaj vetes e bëri atë të shkonte e vetme, duke përdorur pseudonimin e saj adoleshent, Pink. Albumi i cili i përcaktoi karrierën, Missundaztood, shiti 15 milionë kopje në mbarë botën.
Që atëherë, artistja ka shijuar një varg hitesh, me çdo turne që tejkalon të mëparshmin. Vetëm në vitin 2023, ajo ka shitur 350 milionë dollarë bileta në mbarë botën. /Lapsi.al
